वसंतराव नाईक विज्ञान कनिष्ठ महाविद्यालय पातूरचा संघ शूटिंग बॉल स्पर्धेत विभागीय स्तरावर…

पातुर (प्रतिनिधी)-महाराष्ट्र राज्य क्रीडा व युवा संचालनालय पुणे व जिल्हा क्रीडा अधिकारी कार्यालय अकोला तसेच तालुका क्रीडा समिती यांच्या संयुक्त विद्यमाने दरवर्षी तालुका व जिल्हा स्तरावर शालेय क्रीडा स्पर्धा राबविण्यात येतात. यावर्षी संपन्न झालेल्या जिल्हास्तरीय शूटिंग बॉल स्पर्धेत पातुर येथील शैक्षणिक, सामाजिक, सांस्कृतिक व क्रीडा क्षेत्रात अग्रेसर असलेले वसंतराव नाईक विद्यालय व विज्ञान कनिष्ठ महाविद्यालय पातूर येथील खेळाडूंनी 17 वर्षे वयोगटात जिल्हास्तरावर बाजी मारत विभागीय स्पर्धेसाठी आपला प्रवेश निश्चित केला आहे. या विजयी स्पर्धकांना प्राचार्य एस.एम सौंदळे तसेच क्रीडाशिक्षक यांचे मार्गदर्शन लाभले. विद्यार्थ्यांच्या या चमकदार कामगिरीबद्दल त्यांचे संस्थेचे संस्थापक /सचिव मा. श्री रामसिंगजी जाधव साहेबांनी कौतुक केले व प्राचार्य एस एम सौंदळे यांनी विजयी स्पर्धकांचे पुष्पगुच्छ देऊन अभिनंदन केले व भावी वाटचालीस शुभेच्छा दिल्या. विद्यार्थ्यांच्या या नेत्रदीपक कामगिरीबद्दल त्यांचे सर्व स्तरावरून अभिनंदन केले जात आहे.