किड्स पॅरडाईज पब्लिक स्कूलच्या विद्यार्थ्यांचा सहभाग
पातूर: मानवी शरीरातील अवयवांची माहिती व योगदान याबद्दल जनजागृती करण्याच्या उद्देशाने एका आगळ्या – वेगळ्या कार्यक्रमाचे आयोजन करण्यात आले होते.
जागतिक अवयव दान दिनाचे औचित्य साधून पातूर येथिल सौ.वंदनाताई जगन्नाथ ढोणे आयुर्वेदिक महाविद्यालयात हा अभिनव उपक्रम पार पडला.यमध्ये पातूरच्या किड्स पॅरडाईज पब्लिक स्कूल च्या विद्यार्थ्यांनी अवयव दानाचे महत्व समजून घेतले.यावेळी अवयव दान दिवस निमित्त आयोजित कार्यक्रमात किड्स पॅराडाईज पब्लिक स्कूल अँड ज्यू. कॉलेजच्या विद्यार्थ्यांना आयुर्वेदिक महाविद्यालयात उपलब्ध असलेले मानवी शरीरातील अवयव प्रत्यक्ष दाखवून माहिती देण्यात आली.व अवयव दान किती महत्त्वाचे आहे याचे महत्व आयुर्वेद महाविद्यालयाचे प्राचार्य डॉ.अभय भुस्कडे यांनी विषद केले.
यावेळी किड्स पॅरडाईज पब्लिक स्कूल चे संस्थापक अध्यक्ष गोपाल गाडगे व कार्यकारी संचालिका सौ.ज्योत्स्ना गाडगे यांच्या मार्गदर्शनात विद्यार्थ्यांनी सहभाग नोंदवला. यावेळी शाळेचे प्राचार्य चंद्रमणी धाडसे विज्ञान शिक्षक हरीष सौंदळे, इकरा आबेदा आदी उपस्थित होते.यावेळी आयुर्वेद महाविद्यालयाचे डॉ.रूपाली शेळके,डॉ.नबील शेख हे प्रामुख्याने उपस्थित होते.
