कुख्यात गुंडास एम. पी. डी. ए. अक्ट अन्वये एक वर्षाकरीता स्थानबध्द.

प्रतिनिधी —- जबरी चोरी करतानां इच्छापुर्वक दुखापत करणे, जबरी चोरी करण्याचे उद्देशाने अपहरण करणे,जिवे मारण्याची धमकी देणे, दुखापत करणे, बेकायदेशीर शस्त्र बाळगणे, घरात घुसून खंडणी मागुन नुकसानकरणे, अश्लिल शिवीगाळ करणे, सार्वजनिक ठिकाणी आपसात झोंबाझोंबी करणे, दरोडयाचा घालण्याचीपुर्वतयारी करणे, मालमत्तेचे बंद ठिकाण फोडुन चोरी करणे, असे बरेच गंभीर गुन्हे दाखल आहेत. त्याचे वर यापुर्वी विवीध कलमान्वये प्रतिबंधक कार्यवाही करून सुध्दा तो कुठल्याही कारवाईस जुमानत नसल्याने त्याचे विरूध्द गंभीर दखल घेण्यात येवुन कुख्यात गुंड विनायक महेंद्र येन्नेवार, याचे गुन्हेगारी वृत्तीस आळा बसावायाकरीता मा. पोलीस अधीक्षक, अकोला यांनी त्यास स्थानबध्द करण्याबाबतचा प्रस्ताव मा. जिल्हादंडाधिकारी,अकोला यांना सादर केला होता. मा. जिल्हादंडाधिकारी श्री. अजित कुंभार यांनी सर्व कायदेशीर बाबींची पडताळणी करून त्यास एक वर्षा करीता अकोला जिल्हा कारागृहात कुख्यात गुंडाविरूध्द एमपीडीएकायदया अंर्तगत स्थानबध्द आदेश पारीत केले
मा. जिल्हादंडाधिकारी, सा. अकोला यांचे आदेशावरून विनायक महेंद्र येन्नेवार, यास सदरचा आदेश तामील करून त्यास दिनांक ०७/०२/२०२४ रोजी जिल्हा कारागृहात स्थानबध्द केले.सदरची कार्यवाही पूर्ण करण्याकरीता मा. पोलीस अधीक्षक, श्री. बच्चन सिंह यांचे मार्गदर्शनाखाली अपर पोलीस अधीक्षक, श्री. अभय डोंगरे, तसेच उपविभागीय पोलीस अधिकारी, शहर उपविभाग, अकोला, श्री. सतिश कुळकर्णी, स्थानिक गुन्हे शाखा येथील पोलीस निरीक्षक शंकर शेळके, पोलीस उपनिरीक्षक आशिष शिंदे, पोहेकॉ ज्ञानेश्वर सैरीसे, पो.कॉ. उदय शुक्ला यांनी तसेच पो.स्टे. डाबकी रोड, अकोला येथील पोलीस निरीक्षक किशोर जुनघरे, पोहेकॉ. उमेश पाटील, नापोकॉ. प्रविण इंगळे, पोकॉ. उमेश सुगंधी यांनी परिश्रम घेतले. अकोला जिल्हयात कायदा व सुव्यवस्था अबाधीत राहुन शांतता रहावी याकरीता अशा प्रकारचे गुन्हे करणारे व कारवाईस न जुमानणा-या सराईत गुन्हेगारांची माहीती येणा-या निवडणुका तसेच आगामी काळात सन-उत्सवाचे अनुषंगाने संकलीत करण्यात आली असुन काही गुन्हेगाराविरूध्द एम.पी.डी.ए. अॅक्ट खाली कार्यवाही प्रस्तावित आहे.