किड्स पॅराडाईज च्या विद्यार्थ्यांनी सादर केली मराठमोळी संस्कृती
पातूर प्रतिनिधी: गुढीपाडवा मराठी नववर्ष व पातुरचे आराध्य दैवत संत श्री सिदाजी महाराज यांच्या साप्ताहची सुरुवात पाडवा पहाट या भक्तीगीतांच्या कार्यक्रमाने झाली.सुमधुर भक्तीगीते,भावगीते यासह किड्स पॅराडाईजच्या विद्यार्थ्यांनी सादर केलेली मराठमोळी संस्कृती रसिकांचा ठाव घेणारी होती.
संत श्री सिदाजी महाराज संस्थान,स्वर साधना संगीत विद्यालय व किड्स पॅराडाईज पब्लिक स्कूल यांच्या संयुक्त विद्यमाने पाडवा पहाट हा कार्यक्रम नुकताच पार पडला.सर्वप्रथम प्रा.विलास राऊत यांनी भूपाळी सादर करून कार्यक्रमाची सुरुवात झाली.
यानंतर नंदाताई नीलखन, स्वरा राखोंडे, चैताली वडतकर,श्रेया नीलखन,गौरव वडकुटे, सौ.रूपाली भिंगे, औदार्य डोंगरे, काजल श्रीनाथ,अबीर ढोणे, सौ.अंकिता उगले,प्रा. कीर्ती डोंगरे, आकाश गाडगे,भक्ती निंबोकार,संदीप देऊळगावकर,रमेश काळपांडे आदींनी सुमधुर भावगीत,भक्तीगीते सादर करून श्रोत्यांना मंत्रमुग्ध केले.संगीत संयोजन प्रा विलास राऊत,तबला प्रवीण राऊत यांचेसह अंश अत्तरकार,गौरव वडकुते, आकाश गाडगे आदींनी साथ संगत दिली. या संगीत सत्राचे निवेदन गोपाल गाडगे,संदीप देऊळगावकर यांनी केले. साउंडची उत्तम व्यवस्था संतोष लसनकर यांनी सांभाळली.यानंतर किड्स पॅराडाईज पब्लिक स्कूलच्या आनंदी पाटील, स्वानंदी राठोड,आराध्या बंड,तनवी सानप, नारायणी देवकर, अन्वी गोमाशे,वीरा बारताशे, आरोही सौंदळे, वेदिका निंबोळे, निधी फुलारी,शर्वरी गाडगे,प्राची तायडे,वेदिका राठोड, प्रतीक्षा जाधव, आस्था काळपांडे,आराध्या निंबोकार,श्राव्या गवई, अन्वी इंगळे,हर्षदा शिंदे, वैदही सौंदळे,लावण्या गाडगे, स्पंदन गाडगे, ईश्वरी राऊत,विदिशा तेलगोटे,सृष्टी जाधव,गौरी गिऱ्हे ,श्रेया राठोड,मनस्वी शिंदे आदी विद्यार्थ्यांनी नृत्याच्या माध्यमातून मराठमोळी संस्कृतीचे दर्शन घडविले.या नृत्याविष्कार कार्यक्रमाचे निवेदन श्रावणी गिऱ्हे हिने केले.शाळेच्या कार्यकारी संचालिका सौ ज्योत्स्ना गाडगे यांच्या मार्गदर्शनात नृत्यदिग्दर्शन नयना पाटोने यांनी केले. तर सहकार्य नयना हाडके,नीतू ढोणे यांनी केले.या कार्यक्रमाला ज्येष्ठ नागरिक संघाचे पातुर तालुका अध्यक्ष नारायणराव अंधारे,स्वरसाधना संगीत विद्यालयाचे संचालक प्रा. विलास राऊत,किड्स पॅराडाईज पब्लिक स्कूलचे संस्थापक अध्यक्ष गोपाल गाडगे,सिदाजी महाराज संस्थांचे संचालक प्रवीण इंगळे,प्रा. सुभाष इंगळे,प्रा. डोंगरे,अनंता अंधारे, काशीराम गाडगे, विलास वडकुटे, जगदीश निंबोकार आदीसह विविध क्षेत्रातील मान्यवर उपस्थित होते.
