” नियत वयोमानानुसार आज सेवानिवृत्त झालो तरी यानंतर सुद्धा संस्थेसाठी कार्यतत्पर राहील ” पुंडलिक शेगोकार

पातुर ( प्रतिनिधी)- स्वामी विवेकानंद शिक्षण प्रसारक संस्था झरंडी या संस्थेअंतर्गत येणाऱ्या रामकृष्ण सावंत विद्यालय शिर्ला येथे 25 जून 1990 मध्ये मी प्रयोगशाळा परिचर या पदावर रुजू झालो होतो. या संस्थेतील 35 वर्षा च्या प्रदीर्घ सेवेनंतर आज मी सेवानिवृत्त होत आहे.मला संस्थेत काम करत असतांना खूप मान सन्मान मिळाला असून आज नियत वयोमानानुसार सेवानिवृत्त होत असलो तरी संस्थेच्या प्रगतीसाठी यानंतर सुद्धा मी सदैव कार्यतत्पर राहील त्याचप्रमाणे संस्थापक /सचिव आदरणीय श्री.रामसिंगजी जाधव साहेबांनी या संस्थेमध्ये मला सेवा करण्याची संधी दिली व माझ्यावर विश्वास टाकला त्याबद्दल त्यांचे ऋण मी कधीच विसरणार नाही असे प्रतिपादन श्री.शेगोकार यांनी वसंतराव नाईक विद्यालय व विज्ञान कनिष्ठ महाविद्यालय पातुर येथे आयोजित आपल्या सेवापूर्ती सोहळा कार्यक्रमात आपल्या सत्काराचे उत्तर देतांना केले.या सोहळ्याच्या अध्यक्षस्थानी प्राचार्य श्री.एस.एम सौंदळे सर होते तर मूर्ती म्हणून आदरणीय श्री.पुंडलिक भाऊ शेगोकार उपस्थित होते. तसेच विद्यालयातील सर्व शिक्षक व शिक्षकेतर कर्मचाऱ्यांनी सेवानिवृत्त श्री पुंडलिक भाऊ शेगोकार यांचा शाल,श्रीफळ व भेटवस्तू देऊन सत्कार केला.व त्यांना सेवानिवृत्तीनंतरचे जीवन सुख- समृद्धीचे,भरभराटीचे व आरोग्यदायी जावो शुभेच्छा सह भाषणातून मनोगत व्यक्त केले
कार्यक्रमाच्या शेवटी श्री.पुंडलिक शेगोकार यांनी आपल्या संस्थेविषयी असलेली आस्था व प्रेम आपला सत्कार स्वीकारून मनोगत भाषणातून व्यक्त केले तसेच या सत्कार सोहळ्याचे उत्कृष्ट आयोजन केल्याबद्दल वसंतराव नाईक विद्यालय व विज्ञान कनिष्ठ महाविद्यालयाचे प्राचार्य एस एम सौंदळे सर तसेच विद्यालयातील शिक्षक व शिक्षकेतर कर्मचाऱ्यांचे आभार मानले.कार्यक्रमाचे सूत्रसंचालन प्रा.एस.टी गाडगे यांनी केले तर मान्यवरांचे आभार प्रा.एस बी आठवले यांनी मानले.या कार्यक्रमाच्या यशस्वी ते करिता विद्यालयातील सर्व शिक्षक व शिक्षकेतर कर्मचाऱ्यांनी परिश्रम घेतले.