अयोध्या श्रीराम प्रभू प्राणप्रतिष्ठा निमित्त आलेगाव येथे शांतता समितीची बैठक

आलेगाव दी.२१ प्रतिनिधी अयोध्या येथे श्रीराम प्रभू प्राणप्रतिष्ठा उत्सव देशभर साजरा होत असताना सदर उत्सव प्रत्येक गावामध्ये कायदा सुव्यवस्था अबाधित ठेऊन हर्शोलासात पार पडावा या अनुषंगाने आलेगाव पोलीस चौकी मध्ये दी.२० रोजी शांतता समितीची बैठक पार पडली.या वेळी चांनी पोलीस स्टेशनचे ठाणेदार विजय चव्हाण यांनी उपस्थितांकडून श्रीराम प्रभू प्राणप्रतिष्ठा निमित्त गावातील मंदिरामध्ये होणाऱ्या कार्यक्रमाची माहिती मंदिर संचालका कडून घेतली.तसेच कायदा सुव्यवस्था अबाधित ठेऊन सदर धार्मिक कार्यक्रम पार पाडावे असे आवाहन करून,सोशल मीडिया बाबत बोलताना सोशल मीडियावर जातीय तेढ निर्माण होणार नाही या बाबत दक्षता बाळगावी,तसेच दिवसेंदिवस मुली पळून जाण्याचे प्रकार वाढीस लागत आहेत, या गंभीर बाबीकडे जबाबदार व्यक्तींनी लक्ष देण्याची गरज असल्याचे सांगितले. या वेळी ग्रा पं सरपंच गोपाल गणपतराव महल्ले,पोलीस पाटील देवणाथ धाईत,सामाजिक कार्यकर्ते सुलेमान भाई,अक्षय जैन,विजय बोचरे, अनिल जैन,राजेश काळपांडे,नारायण महल्ले,पांडुरंग गीऱ्हे,जब्बारखान, सै मुजीब, मयुर मुळे,अक्षय धाईत,मो.मुजीब,अमोल गीऱ्हे,गोविंद करपे, आदींसह पत्रकार मंडळी उपस्थित होते.तसेच कायदा सुव्यस्था अबाधित ठेवण्यासाठी चांनी पोलीस स्टेशनचे ठाणेदार विजय चव्हाण पी एस आय गणेश महाजन यांच्या उपस्थितीमध्ये चांनी पोलिसांनी दी.२१ रोजी पथसंचलन केले.