पातुर -(प्रतिनिधी)-महाराष्ट्र राज्य माध्यमिक व उच्च माध्यमिक शिक्षण मंडळ पुणेचा वर्ग दहावीचा निकाल नुकताच ऑनलाईन जाहीर झाला असून यामध्ये वसंतराव नाईक विद्यालय पातूरचा ९० टक्के निकाल लागला आहे.या विद्यालयाने सतत चालत आलेली आपली उत्कृष्ट निकालाची परंपरा या वर्षी सुद्धा कायम ठेवली आहे.
वसंतराव नाईक विद्यालयामधून एकूण ४०विद्यार्थी वर्ग दहावी परीक्षेसाठी प्रविष्ट झाले होते.यामधून ३६ विद्यार्थी उत्तीर्ण झाले आहेत,विद्यालयातून एकूण ०५ विद्यार्थी हे विशेष प्राविण्य श्रेणीसह उत्तीर्ण झाले असून १७ विद्यार्थी प्रथम श्रेणीत व १२ विद्यार्थी द्वितीय श्रेणीत उत्तीर्ण झाले.विद्यालयातून रुद्र विजय सिंग राठोड -ह्याने ८६ % गुण प्राप्त करून विद्यालयातून प्रथम येण्याचा मान पटकावला तसेच कु. प्राची ज्ञानेश्वर गाडगे ८४% गुण प्राप्त करून द्वितीय क्रमांक मिळवला तसेच कु.सृष्टी रमेश आयस्कर हिने ८० % गुण प्राप्त करून तृतीय क्रमांक मिळवला तसेच कु. तनुजा ज्ञानेश्वर शेगोकार ८० % कु. श्रद्धा धनराज राठोड-७९.४०% गुण प्राप्त केले विद्यालयाच्या या उत्कृष्ट निकाला बद्दल संस्थेचे संस्थापक,सचिव मा. श्री रामसिंगजी जाधव साहेब व प्राचार्य.एस.एम.सौंदळे यांनी सर्व विद्यार्थ्यांचे व मार्गदर्शक शिक्षकांचे अभिनंदन केले व भावी वाटचालीस शुभेच्छा दिल्या.महाविद्यालयातील विद्यार्थ्यांच्या या घवघवीत यशाबद्दल विद्यार्थ्यांचे सर्व स्तरावरून कौतुक केले जात आहे.
